BuhodlePost.com logo

Xuska Maalinta Qarannimada Jabuuti oo si weyn looga xusay Qaahira,Antananarivo iyo Dunida daafaheeda

Sanca, Yeman (Buuhoodle Post)— Munaasabad lagu xusayay 40-sano guuradii ka soo wareegatay maalintii ay calanka ka qaateen Reer-Jabuuti gumeystihii Faransiiska ayaa si xarago leh maalintii Isniinta loogu soo bandhigay Magaalada Antananarivo ee Jasiirada Madagaskar, maalma uun ka dib markii mid taas la mid ah Qaahira si heersare ah loogu soo bandhigeen.

Waxa ay u damaashaadayaan maalin quluubtooda aad ugu weyn oo halyeeyo doorteen in ay u shihiidaan iyaga oo dalkooda yar iyo qoysaskooda ka difaacaya waxa ay ugu yeedheen, “Saancadaalihii Faransiiska”.

Mustafe Faarax oo ah arday wax ka barta Qaahira mar aan dareenkiisa wax ka weydiinay waxa uu yidhi, “Waa maalin xusuus ay naga mudan yihiin dadkii dhiigooda u huray farxadda aan yar iyo weyn wada darreemayno.”

Waxa ay isaga xog waramaan halgankii ay dhibka badan u soo marreen iyo maalintii ay dhalatay qaranimadoodu.Waxa ay sidoo kale, isku booriyaan in ay gacan mid ah ahaadaan, iyaga oo is xasuusinaya nabadda ay haystaan ee ay dad badan oo kale oo Geeska Afrika kula nool ay qiimo kasta ku waayeen.

“Waa maalin darreen wadaniyadeed oo gaar ah leh oo aan ku muujineyno dabaaldaga aan hoteelada waaweyn aan ku qabsaneyno, si aan jiilasha danbe ugu gudbino dhibka aan u soo marnay guushan”,ayuu ku daray Ardaygan Reer Jabuuti.

Waxa kale oo uu sheegay Mustafe in dhalin tartan labo jeer loo kala qabtay ku soo baxay ay ku soo bandhigeen heeso iyo ciyaar-dhaqameedyo dadkii daawanayay oo ay ka mid ahaayeen masuuliyiin sar-sare oo ka socday dalka Masar, wafti ka socday Midowga Dalalka Carabta, Safiirada Dalalka kale u jooga Masar iyo Jaaliyadda Soomaalida ay aad u la dhaceen.

“Munaasadan oo si ka duwan kuwii hore si heersare u soo agaasimay Safiirka dalka Masar u jooga Jabuuti Maxamed Duhur Xirsi ayaa waxa lagu soo casuumay masuuliyiin horey wasiiro Jabuuti uga soo noqday, xubno ka tirsan Baarlamaanka dalka Jabuuti iyo masuuliyiin kale.”

Waxa ay Jabuuti dhalatay 27-kii Juun, 1977-kii oo ay Qaramada Aduunka ka mid noqotay-waxa ayna dabaaldaga wadaan ilaa dhammaadka bisha Luulyo; haseyeeshe, taniyo Ciidii Soon Fur dadyowga Reer-Jabuuti ee ku kala nool dalka iyo Dunida daafaheeda waxa ay u muuqdeen dad labo jeer ciidaya. Waxa ayna u damaashaadayeen maalin quluubtooda aad ugu weyn oo ay halyeeyo doorteen in ay shihiidaan, iyaga oo dalkooda yar iyo qoysaskooda ka difaacaya waxa ay ugu yeedhaan, “Saancadaahilihii Faransiiska”.

Jabuuti oo bad iyo barriba daris kala ah Soomaaliya, Itoobiya, Eritrea iyo Yeman ayaa ka mid ah dalalka Dunida ugu istaraatiijisan, taas oo Barriga Afrika ku xidhdha dalalka Gacanka Carbeed, Yurub iyo dalal kale. Badda Cas iyo Baabul Mandeb oo ay kulaaleyso darteed ayaa waxa ay soo jiidatay joogitaanka ciidamada dalalka Dunida ugu quwada weyn oo ay ka mid yihiin Mareykan, Shiine, Faransiis, Talyaani, Jarmal iyo Japan, kuwaas oo dhammaantood ay si mid ah u martigalisay.

Dowladda ayaa isku dayaysa in ay dardar hor leh galiso ilaha dhaqaalaha oo ay tayeynteeda sare u qaaday dhowrkii sano ee u danbeysay, taas oo shaqo abuur u sameyn karta dadweynaha Jabuuti oo aan qiyaastii ka badneyn 850,000.

Si hasta ba ha ahaatee, muddo laga joogo in ka badan 40 sano, dagaal labo qof mid uun guushiisa farxad galinaysa oo naxariis la’aan ah ayay iclaamiyeen halyeeyo buugaagta taariikhda Jabuuti ku qoran oo iska diiday in laga sarreeyo, kuwaas oo magacdooda si weyn loogu xuso maalmo badan oo farxad u leh dadka Reer-Jabuuti.

(Visited 28 times, 1 visits today)

Fikradaha Akhristayaasha (0)




Wararkii Maanta

Somali people By handing ONLF officer Abdikarim Sheikh Muse to Ethiopia, the Somali government has betrayed its ownpeople.
- Sep 26, 2017
Somali people By handing ONLF officer Abdikarim Sheikh Muse to Ethiopia, the Somali government has ...
SŪRAH AL-KAHF: ARABIC TEXT – TRANSLATION AND MODERN COMMENTARY
- Sep 24, 2017
SŪRAH AL-KAHF: ARABIC TEXT - TRANSLATION AND MODERN COMMENTARY Imran N. Hosein   SurahKhafX
YUSUF GARAAD’S BIZARRE LETTER TO THE USA AMBASSADO
- Sep 9, 2017
YUSUF GARAAD’S BIZARRE LETTER TO THE USA AMBASSADOR September 4, 2017 By Osman Hassan “That was the ...
Masuul ka tirsan Golaha Dhalinta Maqaabul oo hanbalyo dhalasho farxad leh u diray lamaane gabadh ugu dhalatay dalka Uganda
- Aug 6, 2017
Kampala, Uganda —Masuul ka tirsan Golaha Dhalinta Maqaabul ayaa Sabtidii hanbalyo dhalasho u diray ...
Caga-lule  wuxuu ku kacay waxa ka dambaysay oo si qayaxan u abaabulaysay maamul-goboleedka Puntland”Prof Cali khaliif.
- Aug 5, 2017
Caga-lule  wuxuu ku kacay waxa ka dambaysay oo si qayaxan u abaabulaysay maamul-goboleedka Puntland” By: ...
Golaha Dhalinta Maqaabul ayaa soo dhaweeyay hadal ka soo yeedhay xildhibaan Jubaland ka tirsan
- Aug 4, 2017
Kismaayo, Soomaaliya ---Golaha Dhalinta Maqaabul ayaa Jimcaddii soo dhaweeyay hadal ka soo yeedhay xildhibaan ...
Xildhibaan Jubaland ka tirsan oo wadani u aqoonsaday qoraa ka faallooda arima gobalka
- Aug 4, 2017
Kismaayo, Soomaaliya(Buuhoodle Post)—  Xildhibaan ka tirsan Baarlamaanka Jubaland ayaa galabnimadii Khamiista ku tilmaamay nin ...
Uganda: Xafiiska Maqaabul Ogaadeen ee Qaranka Soomaaliyeed oo aqoon is weydaarsi la xidhiidha dhaqanka la yeeshay bulshada Kampala
- Aug 3, 2017
Xafiiska Maqaabul Ogaadeen ee qaranka Soomaaliyeed ku leeyahay Kampala, dalka Uganda ayaa xidhiidh ku ...
 Fashilaada Fiidmeertii bambooyinka Lagu Rakibay, Adeegsigii aadamigu U Adeegsaday Colaadaha. 
- Aug 1, 2017
 Fashilaada Fiidmeertii bambooyinka Lagu Rakibay, Adeegsigii aadamigu U Adeegsaday Colaadaha. Washington (Bpost)- Xilligii uu socday ...
War Murtiyeed ka soo baxay shir ay dhalinta Maqaabul Ogaadeen ee Qaranka Soomaaliyeed khadka ku yeesheen
- Aug 1, 2017
Buuhoodle Post---Dhalinta Beesha Maqaabul Ogaadeen ee Qaranka Soomaaliyeed ayaa war murtiyeed ka soo saaray ...
Optimization WordPress Plugins & Solutions by W3 EDGE